बारामती मतदारसंघातील निवडणुकीसाठी सुनेत्रा पवार येत्या 18 एप्रिल रोजी उमेदवारी अर्ज भरणार आहेत. निवडणूक अधिकारी कार्यालयातून अर्जही नेले आहेत. याचबरोबर अजित पवार यांच्या नावानेही अर्ज नेले असल्याची माहिती मिळाली आहे. त्यामुळे आता अजित पवार बारामतीत डमी उमेदवार असण्याची शक्यता व्यक्त होत आहे. ऐनवेळी काही गडबड होऊ नये यासाठी ही खबरदारी घेण्यात येत असल्याचे सांगितले जात आहे.
सुनेत्रा पवार यांचा अर्ज काही कारणांनी बाद झाला तर उमेदवारीचा मोठा प्रश्न निर्माण होऊ शकतो अशावेळी पर्याय पाहिजे. त्यामुळेच अजित पवार यांच्या नावाचा एक अर्ज भरण्यात येणार आहे. या माध्यमातून तयारी महायुतीने केली आहे.
