आगामी लोकसभा निवडणुकीसाठी काँग्रेसने देशपातळीवर आता चौथी यादीही जाहीर केली आहे. या यादीत महाराष्ट्रातील चार उमेदवारांचाही समावेश आहे. मागच्या यादीत काँग्रेसने महाराष्ट्रातील सात जणांना उमेदवारी दिली होती. महत्त्वाचं म्हणजे, यंदाच्या यादीत काँग्रेसने केंद्रीय मंत्री नितीन गडकरींविरोधात तगडा उमेदवार जाहीर केला आहे.
यंदा लोकसभा निवडणुकीत ठाकरे गट, काँग्रेस आणि राष्ट्रवादी काँग्रेस हे तिन्ही घटकपक्ष महाविकास आघाडीतून एकत्र लढणार आहेत. यांच्यातील जागा वाटपाचा तिढा अद्यापही सुटलेला नसल्याने महाविकास आघाडीचा फॉर्म्युला जाहीर झालेला नाही. परंतु, असे असले तरीही काँग्रेसने महाराष्ट्रातील उमेदवारांची यादी जाहीर केली आहे. आज जाहीर केलेल्या यादीत महाराष्ट्रातील चार उमेदवारांची नावे आहेत.
नव्या यादीतील महाराष्ट्रातील उमेदवारांची नावे
रामटेक – रश्मी बर्वे
भंडारा-गोंदिया – प्रशांत पडोळे
नागपूर – विकास ठाकरे
गडचिरोली – नामदेव किरसान
