राज्यामध्ये लोकसभा निवडणुकीची जोरदार रणधुमाळी पाहायला मिळत आहे. सर्व राजकीय पक्ष निवडणुकीच्या कामाला लागले आहेत. ठिकठिकाणी सभा, रॅली आणि बैठकांचे आयोजन केले जात आहे. प्रत्येक राजकीय पक्षांच्या नेत्यांचे दौरे आणि सभा सुरू आहेत. अशामध्ये आता राष्ट्रवादी काँग्रेस शरदचंद्र गटाचे सर्वेसर्वा शरद पवार यांच्या देखील राज्यभर सभा होणार आहे. शरद पवाराचा राज्यात मॅरेथॉन दौरा होणार आहे. २२ दिवसांमध्ये त्यांच्या राज्यभर ५० सभा होणार आहेत.
आगामी लोकसभा निवडणुकीच्या पार्श्वभूमीवर शरद पवार प्रचारासाठी मैदानात उतरणार आहेत. शरद पवार प्रचारासाठी राज्याचा मॅरेथॉन दौरा करणार आहेत. शरद पवारांच्या राज्यात २२ दिवसांत ५० सभा घेणार आहे. १८ एप्रिलपासून बारामतीतून शरद पवारांच्या सभेला सुरुवात होणार आहे. ११ मेपर्यंत ते राज्यभरात मॅरेथॉन दौरा करणार आहेत. शरद पवार दिवसाला ३ ते ४ सभा घेणार आहेत. रावेर, शिरूर, बीड, पुणे अहमदनगर, बारामती, माढा, सातारा, कोल्हापूर,औरंगाबाद येथे शरद पवारांच्या या सभा होणार आहेत.