भाजपावासी झालेल्या या अभिनेत्याचं नाव शेखर सुमन आहे. गेल्या आठवड्यात प्रदर्शित झालेल्या ‘हीरामंडी’ मध्ये महत्त्वाचं पात्र साकारणाऱ्या शेखर सुमन यांनी पुन्हा राजकारणात पाऊल ठेवलं आहे. मंगळवारी भाजपाच्या मुख्यालयात विनोद तावडे आणि अनिल बलूनी यांच्यासह भाजपाच्या वरिष्ठ नेत्यांच्या उपस्थितीत शेखर सुमन यांनी पक्षात प्रवेश केला.
शेखर सुमन दुसऱ्यांदा राजकारणात आले आहेत. याआधी त्यांनी एकदा काँग्रेसच्या तिकिटावर लोकसभा निवडणूक लढवली होती. २००९ च्या लोकसभा निवडणुकीत पटना साहिबमधून ते निवडणुकीच्या रिंगणात उतरले होते, पण भाजपाचे तत्कालीन उमेदवार व अभिनेते शत्रुघ्न सिन्हा यांनी त्यांचा मोठ्या फरकाने पराभव केला होता. त्या निवडणुकीत शेखर सुमन तिसऱ्या क्रमांकावर राहिले होते.
