अहमदनगर : जिल्हा परिषदेच्या शाळेत शिकणाऱ्या मुलीचा विनयभंग केल्याप्रकरणी मदन रंगनाथ दिवे (रा. दाढ बु, ता. राहुरी) या शिक्षकास जिल्हा व सत्र न्यायाधीश एस. व्ही. सहारे यांनी तीन वर्षांची सश्रम कारावास व १० हजार रुपये दंड आणि दंड न भरल्यास सहा महिन्यांची कैद, अशी शिक्षा सुनावली आहे.
शाळकरी मुलीचा विनयभंग केल्याप्रकरणी या शिक्षकाविरोधात बालकांचे लैंगिक अत्याचारापासून संरक्षण अधिनियम २०१२ चे कलम १२ अन्वये ही शिक्षा सुनावण्यात आली आहे. सुनावणीदरम्यान ९ साक्षीदार तपासण्यात आले. यामध्ये फिर्यादी, पीडित दोन मुली, मुख्याध्यापिका, शिक्षक, तपासी अधिकारी निरंजन जयंत बोकिल यांच्या साक्षी महत्त्वपूर्ण ठरल्या. सरकारी पक्षाच्या वतीने अॅड. मंगेश दिवाणे यांनी काम पाहिले.
